Нархоз университеті

IMG

«Верный Капитал» компаниялар тобы Нархоз университетінің дамуына инвестиция салады. Бұл оқу үдерісін түрлендіруді, материалдық-техникалық қорды жаңартуды, университет командасына кәсіби мамандарды тартуды және дарынды жастарға арналған шәкіртақы бағдарламаларын қаржыландыруды қамтиды.

Нархоз университетінің миссиясы – сапалы бизнес-білім беру, өзекті ғылыми зерттеулер жүргізу және серпілісті инновацияларды енгізу арқылы қоғамның ілгерілеуіне жәрдемдесу, стандартты емес әрі тиімді шешімдер қабылдауға қабілетті кадрларды даярлау. Университет өз қызметінде ашықтық, креативтілік, тұрақтылық пен еркіндік қағидаттарын басшылыққа алады.

Нархоз әлемнің 21 елінен 60 университпен академиялық серіктестікте жұмыс жасайды. 2019-2020 оқу жылында ЖОО-да шамамен 4,2 мың студент тәлім алды. ЖОО-ның ғылыми әлеуетін күшейтумен және корпоративтік мәдениетті дамытумен қатар, тұрақты даму стратегиясы қабылданды, ол университет қызметінің барлық салаларында «жасыл» технологияларды кезең-кезеңмен енгізуді көздейді.

2020-2021 академиялық оқу жылында Нархоз Ковентри университетімен (Coventry University, UK), РФ Үкіметі жанындағы Қаржы университетімен (Финансовый университет при Правительстве РФ), Ля-Рошель университетімен (La Rochelle Excelia Group, France) және Миколас Ромерис университетімен (Mykolas Romeris University, Lithuania) қос диплом бағдарламасын іске қосты.

Поделиться
Класснуть