АҚШ-тың қазынашылық кірістілігі АҚШ Федералды резервтік жүйесі жоғары инфляцияны жəне корпоративтік қарыздың жаңа ұсынысының нарыққа теріс əсерін ұстап тұру үшін негізгі пайыздық мөлшерлемені көтеруді жалғастырады деген үмітпен осы аптада маусымнан бастап ең жоғары деңгейге көтерілді. АҚШ долларының индексі жыл басынан бері 15%-ға көтеріліп, 6 қыркүйекте жаңа 20 жылдық 110.21 максимумына жетті, бұл АҚШ пен ұқсас елдер арасындағы пайыздық мөлшерлемелердің өсіп келе жатқан айырмашылығына ықпал етті.
Канада банкі негізгі мөлшерлемені 75 б.т. 3.25%-ға дейін көтерді, бұл – 14 жылдағы ең жоғары деңгей жəне инфляцияны тежеу үшін мөлшерлемелердің одан əрі көтерілуі күтілетіні айтылды. Елдегі инфляция шілдедегі 8%-дан маусым айында7.6%-ға дейін төмендеді, бірақ төмендеу бензин бағасының төмендеуіне байланысты болды, ал BOC мəліметтері бойынша негізгі көрсеткіштер өсуді жалғастырды. Сауалнамалар инфляциялық күтулердің жоғары деңгейде екенін көрсетеді.
Болжамдарға сəйкес, Еуропалық орталық банк 8 қыркүйекте негізгі пайыздық мөлшерлемені 75 б.т. 1.25%-ға дейін көтерді, бұл – 2011 жылдан бергі ең жоғары көрсеткіш жəне еуроаймақтың экономикасы ықтимал қысқы рецессияға көшкеніне қарамастан, инфляциямен күресу үшін одан əрі өсу туралы сигнал берді. Еуроаймақтағы инфляция 2022 жылдың 3 жəне 4-тоқсандарында орта есеппен 9% деңгейінде болады деп болжануда. ЕОБ 2023 жылға арналған болжамды 3.5%-дан 5.5%-ға дейін көтеру жəне 2024 жылға арналған болжамды 2.3% деңгейінде белгілеу арқылы инфляция бойынша болжамдарын тағы да арттырады. Еуро 5қыркүйекте еуроаймақтағы энергетикалық дағдарыстың тереңдеуі аясында 20 жылдық 0.9876 минимумына жетті. Еуро жыл басынан бері АҚШ долларымен салыстырғанда 12%-ға əлсіреді, бұл қазірдің өзінде рекордтық жоғары инфляцияны күшейтеді.
Осы аптада мұнайдың əлемдік бағасы күрт төмендеді, өйткені Қытайдағы пессимистік сауда деректері тамыз айында шикі мұнай импорты жылдық 9.4%-ға төмендегенін көрсетті, бұл құлдырау қаупі туралы алаңдаушылықты тағы да күшейтті.
