«Верный Капитал» компаниялар тобы Болат Өтемұратов қорымен бірлесіп жаңа терминалға 35 миллион доллар инвестиция салды, ал құрылыс аяқталғаннан кейін оны жергілікті мемлекеттік органдардың коммуналдық меншігіне өтеусіз берді.
Жаңа терминалды іске қосу әуе айлағының өткізу мүмкіндігін 7 есеге – жылына 300 мыңнан 2 млн жолаушыға дейін арттырады. Жаңартылған «Қорқыт Ата» терминалы Халықаралық әуе көлігі қауымдастығының (IATA) және Халықаралық азаматтық авиация ұйымының (ICAO) жоғары стандарттарына сәйкес келеді. Ауданы 7 500 шаршы метр терминал телескопиялық баспалдақтар, қол жүгін тексерудің автоматтандырылған жүйесі және басқа да озық технологиялармен жабдықталған.
