2021 жылы əлемде жалпы қуаты 93,6 ГВт, 1,8% жаңа жел электр станциялары (ЖЭС) орнатылды. Бұл 2020 жылға қарағанда аз. Осылайша, əлемдегі ЖЭС-тің жалпы белгіленген қуаты 836 ГВт-қа дейін өсті, бұл өткен жылмен салыстырғанда 12%-ға көп (ЖЭС-тің жерүсті қуаты – 780 ГВт, оффшорлық қуаты – 56 ГВт). 2022 жылдан бастап 2026 жылға дейінгі кезеңде əлемде ЖЭС жаңа қуаттарының орташа жылдық өсу қарқыны (CAGR) 6,6%-ды құрайды, ал қуаттардың жиынтық көлемі жылына 557 ГВт немесе орта есеппен 110 ГВт-қа жетеді деп болжануда.
2022 жылдан бастап 2026 жылға дейін Еуропа болжамдарға сəйкес жылына орта есеппен 23 ГВт-тан 116 ГВт жаңа қуаттылық орнатады. Неміс жел энергетикасы нарығы алдағы 5 жыл ішінде жер үсті қуаттарының күтілетін жоғары өсуіне (19,7 ГВт) жəне оффшорлық жел электр станцияларының (5,4 ГВт) өсуіне байланысты жетекші орынға ие болады. Сондай-ақ, 2022 жылдан бастап 2026 жылға дейінгі кезеңде Ұлыбританияның (15 ГВт), Францияның (12 ГВт), Испанияның (10 ГВт) жəне Швецияның (7 ГВт) жел индустриясы нарығында жаңа қуаттардың айтарлықтай өсуі байқалады.
ЖЭК-ке əлемдік бағалар жаһандық жеткізу тізбектеріне жоғары сұраныс пен шектеулер аясында өсуді жалғастыруда. Еуропадағы ЖЭК құнының өсуі аймақтағы агрессивті климаттық саясат аясында жасыл сутегі мен биоотын сияқты қымбат технологиялардың тартымдылығын арттыруы мүмкін. Алайда, ЖЭК бағасының қарқынды өсуі оның сұранысына əсер еткен жоқ. 2022 жылдың I тоқсанында LevelTen жүргізген зерттеу нəтижелері бойынша клиенттердің 75% сатып алу жоспарларын жеделдетті немесе сақтады. Энергия бағасының күрт өсуі ЖЭК-ке қызығушылықты арттырады.
