2027 жылдың жазынан бастап Wellington International халықаралық білім беру тобы Haileybury Almaty және Haileybury Astana мектептерінің жаңа серіктесі болады. Мектептер Wellington Almaty және Wellington Astana деген атаумен Wellington тобының құрамына кіреді. Мектептер үшін жаңа келешегі зор кезең Haileybury мектептерінің Қазақстанда табысты жұмыс істеген жылдары қалыптастырған берік негізіне қаланатын болады. Әріптестік мектептерді одан әрі дамытып, оқушылар мен оқытушылар үшін мүмкіндіктерді кеңейтуге, сондай-ақ Қазақстанның сапалы халықаралық білім берудің өңірлік орталығы ретіндегі ұстанымын нығайтуға бағытталған.
1853 жылы негізі қаланған Wellington – жоғары академиялық стандарттары, білімге заманауи көзқарасы және оқушылардың жан-жақты дамуына назар аударуымен танымал ең беделді және инновациялық британдық білім беру топтарының бірі.
Wellington тобымен серіктестік айтарлықтай ауқымды халықаралық білім берудің экожүйесі, жаһандық тәжірибе алмасу мен сараптама, бірлескен академиялық бастамалар, оқушылар мен оқытушылар үшін қосымша мүмкіндіктерге қолжетімділікті аша отырып, Қазақстандағы мектептердің дамуының келесі стратегиялық кезеңін көрсетеді.
«Ұзақ мерзімді даму стратегиясы шеңберінде мектептер тәжірибе алмасу және үздік білім беру үлгілерін таратуға қатыса отырып, мемлекеттік білім беру мекемелерімен белсенді ынтымақтастықты жалғастырады. Бұл тәсіл Қазақстанның білім беру ортасын мейлінше кең ауқымда дамытуға үлес қосуға деген ұмтылысты көрсетеді», — деп атап өтті Haileybury Almaty және Haileybury Astana мектептері Қамқоршылық кеңесінің төрағасы Иан Хант.
